『 Dell2707 LCDmon+絕世聲畫PS3』的專題介紹

對普通人來講，3月27日不是什麼特別的日子。
但對三位中了Dell 2707 劇毒的朋友來講，3月 27日，3 部 27" DEll 2707 解毒機運到，是一個巧合而又值得記念的日子。
由於A-Keung和受苦人家中，日間沒有人收貨的關係，所以送貨地點，集中在第三位受害人的家，一口氣接收三件解藥。
因為這部機是中國做，三部機是透過DHL，由中國夏門運來的，這日黃昏時份，大家收工，第一時間來到取解藥喇喂~~~
A-Keung比受苦人早到一步，但為公平起見，要人齊先可以開機驗呢。
圖為三部Dell 2707WFP未開封的合照，透過A-Keung作比例，大家可大約知道三部機連紙箱的巨大體積呢。

----------------------------------------------------------------------------------------------

每部DEll 2707WFP都免費跟機送上 2.1音道，Sorry.....Sorry.......打錯，應該係聲道先。
圖為打開後與手部和其他雜物所作出的比例，可知道實物大小。
靚聲嗎?你話喇，送得比你，任你猜，可以有幾好聲丫，我都順口講聲多謝呢。

----------------------------------------------------------------------------------------

好～～～開箱～～～～
由於Dell 公司講明，LCD收貨後，只接受五個死點以上退貨保証，五個死點以下的話，要用家承受，
如果出現五個死點以上的話，會對換一部新機給用家的。
唔好傻啦你，我係講每部機 5個死點啦，唔係3部 27"加埋一起有五粒呀傻人~~~。
作為影音道友的三位機主，唉~~~呢D不平等條約，只可以無奈的接受吧，唔通因為呢個理由而唔買咩。
只有把結果交比自己的手氣來決定吧，開盒依次序是A-Keung先選，受苦人第二，屋主第三。
圖為受苦人和A-Keung合力拆開屬於A-Keung的一部呢。

然後二人合力再把屬於受苦人的Dell 2707WFP，都一起拿上桌面，先來一張前後合照呢。
啊~~~~Dell 2707WFP 後面靚過前面啊~~~Sorry，講錯講錯，應該係前面靚過後面，
咳咳咳......都錯都錯，應該係前後都貢靚先真，嘻~~~

最後連屋主所屬的DEll 2707都拆盒成功，一起放桌面一一去試死點了。
大家都好緊張，萬一開出來是一隻五筒就............喔噢。
圖中位於中間的是屬於A-Keung的，最左手邊的是屬於屋主，右手邊的是屬於受苦人。

順理成章，由A-Keung的DEll 2707WFP，第一個開始試。
經過幾個不同純顏色的靜止畫面驗機後，在最後的全白色畫面上，發現在當眼的位置，出現一粒死點。
發現後的第一秒，A-Keung很大反應的說好慘呀!，但後來立即回想，不是很大粒，而且LCD Mon面積大，
出現死點機會率相對地高，所以他接受了這少少的一粒死點。

就響呢個時候，A-Keung正想為受苦人進行死點測試時，受苦人立即喝止，受苦人表示唔想試死點，只試能開到機就算了，
因為見到A-Keung經過測試死點後，知道自己部機有死點，和所在位置，今後每次開機和使用的時候，眼晴就好自然望去死點的位置，
今生今世都不能磨滅這個心理和生理陰影，又因為不平等條約之下，一粒死點不能換機，覺得唔試好過試，
無得換，但又要知道死點位置，倒不如今生今世都不知道自己的Mon是否有死點算了，所以決定不試死點了。
以下是受苦人向A-Keung，指出不試死點的理由。
受苦人 : 你睇下你自己，以後每次開機，你隻眼就好自然咁望去個死點位啦，望望下又唔會有一日，個粒死點會無左，
但日日都要見到同想起呢粒死點，我唔想好似你咁呀，知道左有死點，又無得換機，
我唔試喇~~~我試得到開機就得喇，唔試死點，唔試死點啊。
當受苦人講完呢句說話之後，全場靜晒，排在受苦人後面的我 .......咳咳...，我意思係排受苦人後面的屋主，
覺得好有道理，腦海立即計算著，和受苦人一樣不試死點，所以一時之間想不出說話來，
而A-Keung那刻就即時說，點解唔一早講，但受苦人表示，他都係剛剛想到。

A-Keung不甘自己做了傻仔，堅持要為受苦人試死點，但受苦人不肯，
圖中就是兩個人在爭鬥當中，笑到我連口水都流埋出來，真係超低能，近稿笑。
最後屋主和受苦人都無試死點了，所以今次試機，只証實到只有A-Keung所屬的有...........
Sorry，Sorry，我都係唔講喇。

傻傻的A-Keung，死心不息，在受苦人所屬的Mon開Window這段時間，
都要伸個頭過去看受苦人的Mon，看看是否有死點位置，有就打鑼打鼓燒煙花，
但最後都因為畫面變得太快，看不清楚是否有死點。

死點試完，機又試到操作正常之後，兩人各自把新寵入盒封箱，留下屋主所屬的在書桌上面。
這段時間，A-Keung又幻想一下，一陣返家後，自己面對一個27"面積的大Mon時，要面對的距離感受係點樣。

屋主日後打算行雙Mon，所以A-Keung也可以看看行雙Mon的效果了。

透過電腦，播放高解像節目檔，一試高清效果，期間A-Keung用拉尺去量一量，
他家中 20" Mon的面積，和現在 27" Mon的面積差別很大呢~~~
知道自己就快可以在房中欣賞到這個大Mon，A-Keung開心的表情，
就算連則面影他，大家都可以感受到他正在開心到合不到口的心情呢。

試完高解像之後，再試打機的效果，受苦人好想試 Rainbow Six Vegas，
因為他想知道,X-Box 360和他平日所玩的Online Game版本有什麼分別，
最後他覺得操作上電腦方便他多一點。
另外受苦人好滿意屋主的音響組合聲效，因為比起他房中的低頻好好多。

當受苦人打完機，試完要試的地方後，打算轉身再看一次自己所屬的 LCD ，
點不知，原來A-Keung 襯著受苦人在打機分神不察覺時，
靜雞雞的走去把兩個紙箱攪亂位置，你看傻傻的受苦人，正在找出那一箱是屬於自己的Mon。
找尋期間，受苦人口中念念有詞，話 A-Keung 陰險和奸狡，笑到我口水絲都流埋出來，真係超低能，近稿笑。

幸好在入箱之前，受苦人有對過機身篇號和紙箱的篇號，所以有印像，最後找到屬於他的Mon了。
兩位好友返到家中各自Set Up好自己的新寵後，大家都寵幸到差不多三時先可睡覺呢，
但睡在床上時，都不能入睡，因為得到這個新玩具，真係太開心了。
3月27，3 部 27，實在係一個很值得記念的日子。
下一集，我們再去一次這兩位朋友家中，睇睇他們放上 Dell 2707WFP之後係點，下集再見丫~~~